काठमाडौं । नेकपा एमालेको पहिलो स्थायी कमिटी बैठक तीन दिनसम्म चलेर शनिबार सम्पन्न भएको छ । बिहीबारदेखि सुरु भएको बैठकले पार्टीका विभिन्न तहका अधिवेशनको समय निर्धारण, राष्ट्रिय भेलाको आयोजना तथा केन्द्रीय कमिटीमा मनोनयनलगायत सात वटा निर्णय गरेको छ ।
बैठकको पहिलो दिन वरिष्ठ नेतामा मनोनीत विद्यादेवी भण्डारीले पद तथा गोपनीयताको शपथ ग्रहण गरेकी थिइन् ।
बैठकका निर्णयहरू
पार्टीका वडास्तरका कमिटीको अधिवेशन आगामी मंसिर २६ गते सम्पन्न गर्ने ।
नगर तथा गाउँपालिका तहका कमिटीको अधिवेशन पुस ४ गते सम्पन्न गर्ने ।
आगामी मंसिरको पहिलो साता राष्ट्रिय भेला आयोजना गर्ने । सो भेलामा प्रदेश कमिटीका पदाधिकारी, जिल्ला कमिटीका पदाधिकारी, पालिका कमिटीका अध्यक्ष र उपाध्यक्ष तथा सबै तहका जनप्रतिनिधिको सहभागिता रहने छ ।
पालिका र वडाका अधिवेशन सकिएपछि प्रदेशस्तरीय भेला आयोजना गर्ने ।
मधेश प्रदेश सभामा पार्टीका सभासद जैनब खातुनको निधन भएकाले समानुपातिकतर्फ रिक्त रहेको उक्त स्थानमा नाजिमा खातुनलाई मनोनयन गरी निर्वाचन आयोगमा लेखी पठाउने ।
पार्टी अध्यक्ष पद रिक्त रहेका १३ जिल्लाका हकमा जिल्ला तहकै निर्णयबाट अध्यक्ष तोकी संगठन कमिटीमा रूपान्तरण गरी माथिल्लो कमिटीमा अनुमोदनका लागि पठाउनुपर्ने ।
केन्द्रीय कमिटी सदस्यमा मनोनयन गर्ने ।
केन्द्रीय कमिटीमा मनोनीत हुनेहरू
बैठकले केन्द्रीय कमिटी सदस्यमा मनोनयन गरेका नामहरू यी हुन् :
सिर्जना राई (भोजपुर)
सावित्रा अर्याल (रुपन्देही)
इन्दु कडरिया, विष्ट (कञ्जनपुर)
सीता पंगेनी (नवलपुर)
सीता अधिकारी (पाल्पा)
डा. पुष्पा केसी भण्डारी (कास्की)
धर्मनाथ प्रसाद साह (सिराहा)
तेजमान कन्दङवा (तेह्रथुम)
टंक आङ्वोहाङ (ताप्लेजुङ)
नविन रोक्का (रोल्पा)
मीनप्रसाद गुरुङ (स्याङ्जा)
डवल पाण्डे (दोलखा)
तेजेन्द्र केसी (रुपन्देही)
बैठकले गरेका निर्णयअनुसार पार्टीको तल्लो तहदेखि माथिल्लो तहसम्मका संगठनात्मक काम अघि बढ्ने भएका छन् ।
