कांग्रेस देउवा समूहको मुगु जिल्ला अधिवेशनबाट तिलकबहादुर मल्ल जिल्ला सभापतिमा सर्वसम्मत निर्वाचित भएका छन् । शनिबार सम्पन्न भएको अधिवेशनले उनलाई जिल्ला सभापतिको जिम्मेवारी दिएको हो ।
सभापतिको दाबी गरिरहेका खगेन्द्र मल्ल पार्टीलाई जिल्लामा थप सबल बनाउने भन्दै पछि हटेपछि तिलकबहादुर मल्ललाई सर्वसम्मत रूपमा जिल्ला अध्यक्ष चयन गरिएको नेता धर्मराज शाहीले जानकारी दिएका छन् ।
अधिवेशनले २७ सदस्यीय जिल्ला कार्यसमिति समेत चयन गरेको शाहीले बताए । देउवा समूहले कर्णालीका हिमाली जिल्लाहरूमा जिल्ला अधिवेशनको प्रक्रिया टुंगोमा पुर्याइसकेको छ ।
सोही क्रममा हुम्लामा सूर्यबहादुर शाही र जुम्लामा नेत्रकला शाहीलाई जिल्ला सभापतिमा चयन गरिएको शाहीले जानकारी दिएका छन् ।
