प्रोफेसनल स्क्वास प्रतियोगितामा सहभागी हुन दुई नेपाली खेलाडी बिहीबार बंगलादेशको ढाका प्रस्थान गर्ने भएका छन्। जुलाइ १८ देखि २१ तारिखसम्म हुने उक्त प्रतियोगितामा नेपालका तर्फबाट दुई पुरुष खेलाडीले चुनौती प्रस्तुत गर्ने छन्।
नेपालको प्रतिनिधित्व गर्दै सरोज तामाङ र पासाङ भ्लोनले प्रतिस्पर्धा गर्ने छन्। यी दुवै खेलाडीले प्रतियोगितामा आफ्नो कौशल देखाउने अवसर पाएका छन्।
बुधबार एक कार्यक्रमबीच टोलीलाई बिदाइ गरियो। राष्ट्रिय खेलकुद परिषद्का उपाध्यक्ष विशाल श्रेष्ठ र नेपाल स्क्वास एन्ड र्याकेट्स संघका अध्यक्ष ध्रुव गुरुङले खेलाडीहरूलाई शुभकामना दिएर बिदाइ गरे।