नेपालमा होन्डा कारको आधिकारिक बिक्रेता स्याकार ट्रेडिङ कम्पनीले एयरब्याग सुरक्षासम्बन्धी नि:शुल्क रिकल अभियान सञ्चालन गरेको छ । कम्पनीले जारी गरेको विज्ञप्तिअनुसार सन् २००१ देखि २०१४ सम्म निर्मित होन्डा कारका विभिन्न मोडेल यस अभियानमा समेटिएका छन् ।
यसमा सिटी, सिभिक, सीआरभी, ज्याज, इन्साइट, स्ट्रिम र अकर्ड गरी सात मोडेल पर्ने कम्पनीले जनाएको छ । प्रभावित गाडीको एयरब्याग जाँच र आवश्यक मर्मत वा इन्फ्लेटर परिवर्तन पूर्ण रूपमा नि:शुल्क गरिने बताइएको छ ।
ग्राहकले आफ्नो गाडी यस रिकल अभियानमा पर्छ वा पर्दैन भनेर होन्डाको आधिकारिक वेबसाइटमा गएर स्वयं जाँच गर्न सक्ने कम्पनीले जानकारी दिएको छ ।