चितवनमा शिक्षामन्त्री पोखरेललाई विद्यार्थीको कालो झण्डा

शिक्षा तथा खेलकुदमन्त्री सस्मित पोखरेललाई चितवनमा विद्यार्थीहरूले कालो झण्डा देखाएका छन्। केही दिनदेखि चितवनमा रहेका मन्त्री पोखरेल काठमाडौं फर्किन भरतपुर विमानस्थल जाने क्रममा संयुक्त विद्यार्थी संगठनहरूले विरोध प्रदर्शन गरेका हुन्।

प्रदर्शनको तरिका

भरतपुर विमानस्थल गेट अगाडि विद्यार्थीहरूले प्लेकार्ड बोकेर मन्त्री पोखरेलविरुद्ध नाराबाजी गरे। उनीहरूले कालो झण्डा देखाउनुका साथै कालो बेलुन समेत उडाएका थिए।

विरोधको कारण

अखिल क्रान्तिकारी चितवनका अध्यक्ष सुशील कार्की अब्दुलले सरकारले सामुदायिक विद्यालयमा सुधार नगरी निजी विद्यालयमा पढ्ने विद्यार्थीहरूलाई ३ प्रतिशत कर लगाएकाले विरोध गरिएको बताए। उनले भने, “शिक्षामा लगाइएको कर खारेज गर, विद्यार्थी संगठन माथिको प्रतिबन्ध मुर्दावाद, शिक्षा सबैको पहुँचमा पुर्याउ, शिक्षा हाम्रो अधिकार हो, व्यापार होइनजस्ता नारा लगाइयो।”

प्रदर्शनमा संयुक्त विद्यार्थी संगठनहरूको सहभागिता रहेको थियो। मन्त्री पोखरेल चितवनमा केही दिनदेखि नै रहेका थिए भने विमानस्थल जाने बेलामा विद्यार्थीहरूले उनलाई कालो झण्डा देखाएका हुन्।