नेपाली बजारमा शुक्रबार सुनको मूल्य प्रतितोला रु ३,३०० ले बढेको छ। यससँगै चालु सातामा सुनको भाउमा कुल रु १५,१०० को वृद्धि भएको छ।
नेपाल सुनचाँदी व्यवसायी महासंघका अनुसार शुक्रबार छापावाल सुनको कारोबार मूल्य प्रतितोला रु ३,१६,७०० रहेको छ। बिहीबार यो मूल्य प्रतितोला रु ३,१३,४०० मा कायम भएको थियो।
त्यस्तै, चाँदीको मूल्यमा पनि शुक्रबार प्रतितोला रु १३० को वृद्धि भएको छ। चाँदी अहिले प्रतितोला रु ४,९८५ मा कारोबार भइरहेको महासंघले जनाएको छ। बिहीबार चाँदीको भाउ प्रतितोला रु ४,८५५ रहेको थियो।
