जितपुर सिमरामा तीन वर्षीया बालिकाको शव परित्यक्त घरमा फेला परेपछि स्थानीयवासीले पथलैया–वीरगन्ज सडक दोस्रो दिन पनि अवरुद्ध गरेका छन्। बालिकालाई प्रलोभनमा पारेर लगी यौन दुर्व्यवहार गरी हत्या गरिएको आरोप लगाउँदै उनीहरू न्यायको मागमा आन्दोलनमा उत्रिएका हुन्।
प्रहरीले घटनामा संलग्न रहेको आशंकामा एक नाबालक र २४ वर्षीय भ्यानधनीलाई पक्राउ गरेको छ।
यो घटनाले नेपालमा बालिकाको सुरक्षाबारे गम्भीर प्रश्न खडा गरेको छ। आधिकारिक तथ्यांकअनुसार गत वर्ष ११ देखि १४ वर्ष उमेर समूहकी बालिकामाथि भएका यौन हिंसाका ६९० घटना दर्ता भएका थिए। त्यसैगरी १० वर्षसम्मका बालिकामाथि ३५१ यौन हिंसाका घटना दर्ता भएका थिए।
