बाराको सिमरामा हत्या गरिएकी तीन वर्षीया गरिमा चौधरीका आमाबुवा न्यायका लागि आधिकारिक वार्तामा सहभागी हुन काठमाडौं आइपुगेका छन्। शनिबार अपराह्न सिमरा विमानस्थलबाट स्थानीय अभियन्तासँगै आएका उनीहरूसँग गृह मन्त्रालयमा छलफल हुने भएको छ।
गृहमन्त्रीको सचिवालयका अनुसार गृहमन्त्री सुधन गुरुङको उपस्थितिमा मन्त्रालयमा केहीबेरमा छलफल सुरु हुनेछ। गरिमाका बुवा मनोज चौधरी र आमा मानमती चौधरीलाई काठमाडौंसम्म साथ दिन स्थानीय अभियन्ताहरू पनि आएका थिए।
काठमाडौं प्रस्थान गर्नुअघि गरिमाका बुवा मनोज चौधरीले स्थानीयबासीलाई छोरीको न्यायका लागि आन्दोलन जारी राखिदिन आग्रह गरेका थिए।
