कर्णाली प्रदेश सभाको आठौँ अधिवेशन अन्त्य भएको छ। सोमबार बसेको प्रदेश मन्त्रिपरिषद्को बैठकले अधिवेशन अन्त्य गर्ने निर्णय गरेको हो। सोही निर्णयअनुसार अधिवेशन टुङ्ग्याउनका लागि प्रदेश प्रमुखसमक्ष सिफारिस गरिएको छ।
प्रदेश सरकारका प्रवक्ता कल्याणी खड्काका अनुसार राति १२ बजेदेखि लागू हुने गरी अधिवेशन अन्त्यको सिफारिस गरिएको हो। मन्त्रिपरिषद्को निर्णयसँगै प्रदेश सभाको आठौँ अधिवेशन औपचारिक रूपमा अन्त्य हुने भएको छ।
अधिवेशन अन्त्यका लागि प्रदेश प्रमुखसमक्ष सिफारिस गरिएको जानकारी प्रवक्ता खड्काले दिएकी छन्।
अधिवेशन टुङ्गिएसँगै चालु अधिवेशनमा अघि बढाइएका विधेयक, छलफल तथा अन्य संसदीय प्रक्रियाहरूमा असर पर्नेछ।
