मुख्य सामग्रीमा जानुहोस्

बक्स अफिस : ‘कबड्डी ५’ अगाडि भए पनि कमाइ सुस्त, एक हप्तामा जोड्ने ५४ लाख मात्र

चाडपर्वको समयमा प्रदर्शनमा आएका नेपाली फिल्ममध्ये ‘कबड्डी ५ : आफ्टर द फाइनल म्याच’ नै सबैभन्दा अगाडि छ, तर तेस्रो हप्तामा त्यसको कमाइ उल्लेख्य रूपमा घटेको छ । माओत्से गुरुङ निर्देशित ‘पेन्सन पट्टा’ दोस्रो स्थानमा छ भने…

विश्वपत्र संवाददाता

· १ मिनेटको पढाइ

२पटक हेरिएको०टिप्पणी०शेयर
स्रोत:Online Khabar
बक्स अफिस : ‘कबड्डी ५’ अगाडि भए पनि कमाइ सुस्त, एक हप्तामा जोड्ने ५४ लाख मात्र
Online Khabar

दसैं र तिहारको अवसर पारेर प्रदर्शनमा आएका आधा दर्जनभन्दा बढी नेपाली फिल्मको व्यापार अपेक्षाकृत सुस्त देखिएको छ । यीमध्ये सबैभन्दा अगाडि रहेको ‘कबड्डी ५ : आफ्टर द फाइनल म्याच’ ले हालसम्म १२ करोड ९४ लाख १५ हजार ४ सय ३७ रुपैयाँ कमाएको छ । पछिल्लो एक हप्तामा यसले जोडेको रकम भने ५४ लाख २३ हजार १ सय ९२ रुपैयाँ मात्र हो ।

फिल्मको सुरुवात भने आक्रामक थियो । पहिलो हप्तामै १० करोड रुपैयाँ बटुल्दै यसले बजारमा हलचल ल्याएको थियो र दोस्रो हप्तासम्म आइपुग्दा कुल कमाइ १२ करोड ३९ लाख ९२ हजार २ सय ४५ रुपैयाँ पुगेको थियो । त्यसयताको एक हप्तामा भने फिल्मको गति निकै मन्द बनेको छ ।

नेपाली फिल्मको सूचीमा दोस्रो स्थानमा माओत्से गुरुङ निर्देशित ‘पेन्सन पट्टा’ छ, जसले १० करोड ३५ लाख ७८ हजार रुपैयाँ कमाइ गरेको छ । त्यसपछि नामको पछाडि ‘२’ बोकेका तीन सिक्वेल क्रमशः राखिएका छन् ।

‘आ बाट आमा–२’ ले ६ करोड ८१ लाख ६७ हजार रुपैयाँभन्दा बढी कमाएको छ । ‘छ माया छपक्कै–२’ को कमाइ ३ करोड ४३ लाख १७ हजार रुपैयाँ छ भने ‘१२ गाउँ–२’ ले २ करोड ३२ लाख रुपैयाँभन्दा बढी जोडेको छ ।

यो लस्करको अन्त्यमा रहेको ‘पाँच पाण्डव’ ले ४३ लाख ५० हजार रुपैयाँभन्दा बढी कमाएको छ । विभिन्न अवरोधका बीच प्रदर्शनमा आएको यो फिल्मले १२ हजार २ सय ९४ वटा टिकट बिक्री गरेको छ ।

‘रामायण’ को लय फरक

यसैबीच बलिउड फिल्म ‘रामायण’ को कमाइ पनि सार्वजनिक भएको छ । प्रदर्शनको ११ दिनमा यसले १४ सय करोड रुपैयाँ कमाएको हो । पहिलो सप्ताहन्तको तुलनामा दोस्रो सप्ताहन्तमा यसको व्यापार १८ दशमलव ९१ प्रतिशतले बढेको बताइएको छ ।

नेपाली हलहरू भरिभराउ देखिए पनि स्वदेशी फिल्मको कारोबार भने उल्लेख्य रूपमा घटेको छ । चाडपर्वको छेवैमा आएका फिल्मले अपेक्षित गति लिन नसक्दा निर्माताहरूको लगानी फिर्ता हुने क्रम पनि सुस्त बनेको छ ।