रसुवागढी नाकामा सञ्चालित अध्यागमन कार्यालयका चार कर्मचारी बाढीका कारण सम्पर्कविहीन भएका छन्। बाढीले सो कार्यालयको भौतिक संरचनामा समेत क्षति पुर्याएको छ।
कार्यालयमा अध्यागमन अधिकृतसहित पाँच जना कर्मचारी कार्यरत थिए। तीमध्ये एक जना विदामा रहेका थिए। कर्मचारीका एक आफन्तका अनुसार विदामा रहेकाबाहेक बाँकी चार जना अहिलेसम्म सम्पर्कमा आउन सकेका छैनन्।
बाढीले कार्यालय परिसर क्षतिग्रस्त बनाएपछि कर्मचारीहरूको अवस्थाबारे जानकारी लिन सकिएको छैन। घटनाबारे थप विवरण आउन बाँकी रहेको छ।
