जेनजी आन्दोलनमा घाइते भएका आयुष गौतमलाई काठमाडौं विश्वविद्यालयले पूर्ण छात्रवृत्तिमा पढाउने भएको छ । काभ्रेपलाञ्चोकको चौरीदेउराली गाउँपालिका–६ घर भएका गौतमलाई विश्वविद्यालयले कम्प्युटर साइन्सको स्नातक तहमा पूर्ण छात्रवृत्ति दिने निर्णय गरेको हो ।
सो निर्णयबारे जानकारी दिँदै विश्वविद्यालयको प्राज्ञिक–औद्योगिक विभागका संयोजक लक्ष्मण लामाले सरकारले जारी गरेको ‘जेन–जी घाइते राहत सहायता सम्बन्धी कार्य तथा प्रतिबद्धता कार्यविधि, २०८२’ लाई कार्यान्वयन गर्दै उक्त छात्रवृत्ति उपलब्ध गराइएको बताए ।
‘कठिन परिस्थितिबाट प्रभावित युवाको भविष्यलाई अवसर र शिक्षामार्फत नयाँ दिशा दिनु हाम्रो जिम्मेवारी हो,’ लामाले भने ।
गौतम जेनजी आन्दोलनका क्रममा घाइते भएका थिए ।
